رواية ارهقني عشقها (كاملة جميع الفصول) بقلم دينا عبدالله
وجدان وهي بتبعد عنه: استني استني انت هتعمل ايه
بعد عنها وهو بيبصلها بإستغراب وقال: هكون هعمل ايه يعني... معروفه هعمل زي اللي بيعملو اي اتنين متجوزين
وجدان: لاااااا احنا متفقناش على كده
معتز: هو اي اللي متفقناش علي كده
وجدان: مش معني اني وافقت على الجواز منك دا معناه اني هوافق انك تلمسني
معتز بضيق: يعني اي مش هتوافقي اني المسك
وجدان: انا وافقت اني اتجوز فلاح زيك بس عشان خاطر بابا.. ومن المستحيل اني اسمحلك انك تقرب مني
مسكها من دراعه بقوة وقال بغضب عارم: وماله الفلاح يابت راشد.. ايه اللي مش عاجبك فيه
بعدت ايده عنها وقالت بضيق: عشان فلاح.. حياته كلها بين البهايم والزرع وفي العيشه اللي تقرف دي
معتز: العيشه اللي مش عجباكي دي افضل عيشة اللي جابوكي.. ولو انتي فاكره ان الفلاح ميعرفش حاجه غير البهايم ومرواحه الغيط تبقي غلطانه... احنا نعرف نعمل حاجات كتير اكتر من اللي انتم بتعملوها في المدن عندكم
بصلته على الجلبيه اللي لابسه وقالت بسخريه: مهو واضح
معتز بغضب: بقولك ايه يابت انتي كلام علي الفاضي مش عايز وعدي ليلتك دي علي خير
وجدان بعناد: مش هعديها علي خير ولو فكرت تقرب مني... انا هموت نفسي
وراحت مسكت السكين اللي كانت في طبق الفاكهه علي الترابيزه في الاوضه وحطتها على شرايين اديها وقالت: هموت نفسي لو قربت مني
بصلها بدهشه وقال: سيبي السكينه من ايديك يا مجنونه
وجدان بدموع: مش هسيبها غير لما تطلع من الاوضه
ضم كف ايده بغضب وقال: ماشي يابت راشد هطلع بس اوعي تفتكري ان اللي حصل دا هيعدي.. والحال دا هيفضل كتير.. لان هيجي يوم وهاخد اللي انا عايزه
بعدها خرج من الاوضه وقفل الباب وراه بقوة.... قعدت علي السرير وهي لسه بفستان الفرح... ودموعها نزلت عمرها ما كانت تتوقع انها هتتجوز واحد زي ده في يوم من الايام
ـــــــــــــــــــــــــــــــــــــــــــــــــــــــــــــــ
في الصباح
متعز كان نايم في الصاله علي الكنبه.. باب الشقه عمال يخبط وهو مش سامع.. خرجت وجدان من الاوضه علي صوت الباب وهي لسه لابسه الفستان
كانت لسه هتفتح الباب بس منعها متعز وهو يقول: انتي هتعملي هتفضحينا الله يخربيتك
وجدان: هفضحك ازاي يعني
شاور علي فساتنها وقال: روحي روحي غيري هدومك قبل ما حد يشوفك
بصتله بضيق بعدها راحت الاوضه وقفلت الباب عشان تغير هدومها.. ظبط الجلابيه وشعره وخد نفس عميق وبعدين فتح الباب....
كانت امه نادين قالتله بابتسامة عريضه: صباحبه مباركه يا عريس..... يلا عشان تنزلوا اهل العروسه وصلوا تحت ومستنينكم
معتز بابتسامة: حاضر دقايق بس وهننزل
بعدها قفل الباب لقاها خرجت من الاوضه وهي لابسه بنطلون جينس عليه فانله كم سودا.. مسح وجه بغضب وقال: اي اللي انتي لابساه ده
وجدان: اومال هلبس اي... هو دا لبسي
معتز: غوري غيري اللي انتي لبساه فيه عندك في الدولاب عبايات فرح غوري البسي واحده منهم
وجدان بقرف: انا مستحيل البس من العبايات دي
معتز بغضب عارم: لع هتلبسيهم غصب عنك.. كفايا اني استحملتك وبوظتي ليلية دخلتنا.... غوري غيري وخمس دقايق تكوني جاهزه.. ولما ننزل تحت لو حد سألك عن حاجه قوليلهم ان كل حاجه تمام بدل ما نتفضح بسببك
ـــــــــــــــــــــــــــــــــــــــــــــــــــــــــــــــ
كان الكل مستنيهم تحت.. بصوا علي السلم لقوهم نزلين وهي لابسه عباية صباحيه لونها ابيض جميله
حضنتها امها بفرحه وقالت: صباحيه مباركه يا حبيبتي
مسك جاسم ايد اخوه معتز وغمز وقاله: اي الدنيا
بعد معتز ايده وقال بضيق: اتنيل اسكت
جاسم بإستغراب: اي مالك في ايه
معتز: مفيش مفيش
خدت وداد بنتها علي جنب وقالت: اي الاخبار
وجدان بتوتر: كل حاجه تمام
حضنتها بفرحه وقالت: طيب الف مبروك يا حبيبتي
جاسم بمرح وهزار: يلا بقا استعجلوا وهاتولنا نونو نلعب بيه
نزلت وجدان وشها بإحراج.. ضربه معتز علي راسه وقال: اكتم
بعيدن خد وجدان وطلع بيها علي شقتهم.. دخل وقالها بغضب: عجبك اللي حصل تحت دا
وجدان: حصل ايه
معتز بغضب: لا والله يعني كدبنا عليهم وقولنا ان كل حاجه تمام ومفيش حاجه حصلت بينا اصلا.. انتي عارفه ان بكدا بتقللي من قيمتي وكرامتي
وجدان ببرود: ميهمنيش
بعدها سابته ودخلت الاوضه وقفلتها وغيرت العبايه اللي لبساها
اليوم التاني
كانت وجدان في الحمام.. وصلت رساله على تلفونها.. مسكه معتز وفتحها وانصدم كانت الرساله مكتوب فيها "وحشتيني يا جوجو.. امتي هشوفك "
#الفصل_الاول
#ارهقني_عشقها
#بقلمي_دينا_عبدالله
